சிவராமனின் விமர்சனமும் சில பின்னூட்டங்களும்

பைத்தியக்காரன் ராவணன் விமர்சனம் படித்தேன் , விமர்சனம் அற்புதமாய் இருந்தது என்றே நினைக்கிறேன் . ஆனால் அதில் பின்னூட்டங்கள் மிகவும் பாதித்தது ,பதிவர்கள் அவர் மொட்டை தலைக்கும் முழங்காலுக்கும் முடிச்சு போடுகிறார் என்ற வண்ணத்தில் பின்னூட்டம் செய்திருந்தார்கள் . வால் பையன் கூட இஸ்லாமிற்கு சொம்பு தூக்குகிறார் என்கிறார் பாம்பே பற்றி குறிப்பிடும் பொழுது .சரி அப்படி என்றால் பாம்பே படத்தின் வரும் காட்சிகளை வால் ஒத்துக்கொள்கிறாரா ???????அந்த பாபர் மசூதி விடயம் மறைக்கப்பட்டு , வெறும் முஸ்லிம் தீவிரவாதம் போல் காட்டி உள்ளாரே மணி சார் . அப்பொழுது வால் மணி சார் அவர்களுக்கு சொம்பு தூக்குகிறாரா.சும்மா சொம்பு தூக்குகிறார் என்பதை சொல்வதை விட்டுவிட்டு சிவராமன் சொல்வதில் என்ன நியாயம் என்பதை பார்க்க வேண்டும் . பம்பாய் படத்தில் முஸ்லிம் மக்களே தீவிரவாதத்தை ஆரம்பிப்பது போல் காட்சி துடங்குகிறது, ஆனால் உண்மை என்ன பாபர் மசூதி இடிக்கப்பட்டது தான் பிரச்சனையின் மையப்புள்ளி மணி சார் எந்தகாட்சியை முதலில் காண்பித்திருக்க வேண்டும் .

ஆனால் வரலாற்றை திரிக்கும் வேலையை பால் தாக்கரே ஆசியுடன் செய்கிறார் மணி சார் . முதலில் முஸ்லிம்கள் வன்முறையை ஆரம்பிப்பது போல் காட்டுகிறார் , பின்பு முஸ்லிம்களுக்கு close UP காட்சிகள் , அவர்கள் வன்முறையாளர்கள் என்று மனதில் பதிய வேண்டும் , ஹிந்துக்களுக்கு wide அவர்கள் தவறு செய்தாலும் பரவாயில்லை .அப்புறம் ஒரு பேரன் ஹிந்து தாத்தாவின் விபூதியை அழிப்பான் , ஏன் என்றால் முஸ்லிம் மக்கள் ஹிந்து விபூதியை கூட ஏற்க மாட்டார்கள் , ஆனால் ஒரு ஹிந்து தாத்தா வீட்டை எரிக்கும் பொழுது , உள்ளே புகுந்து இஸ்லாமின் புனித நூலான குரானை காப்பாற்றுவார் , என்பது போல காட்சி அமைப்பு . இது என்ன ஹிந்து வெறியா , இதை சிவராமன் சொன்னால் சொம்பு தூக்குவது என்று சொல்வதா ??? வரலாறு ஒன்று சொல்லும் , மணி சார் ஒன்றை சொல்வார் அதை விமர்சனம் செய்யாமல் ஒரு CORPERATE முதலாளிகளுக்கும் , மத வெறியர்களுக்கும் சொம்பு தூக்கும் மணி சார் அவர்க்களுக்கு சொம்பு தூக்க வேண்டுமா .

அப்பொழுது பாபர் மாசூதி பிரச்சனை அதை திசை திருப்பும் எட்டப்பன் வேலையை பார்த்தார் மணி , இப்பொழுது "OPERATION GREEN HUNT "பசுமை வேட்டை , கனிம வளங்கள் அதிகம் இருக்கும் பகுதி தண்டக்காரண்யா , அதன் மீது பண முதலைக்களுக்கு ஒரு கண் , வேதாந்தா நிறுவனத்திற்கு மலையை விற்பதற்கு பூர்விக மக்களை துரத்தப்பார்க்கிறார் சிதம்பரம் , அவரும் அந்த நிறுவனத்தின் வேலை செய்து இருக்கிறார் . இப்பொழுது மக்களை
துரத்தப்பார்க்கிறார் .அங்கே போராளிகள் என்பவர் வேறு யாரும் அல்ல அந்த உழைக்கும் மக்கள் . அந்த வடக்கிழக்கு ஏழு மாநிலங்களில் வளர்ச்சிப்பணிகள் எதுவும் நடப்பதே இல்லை . அங்கு மக்கள் ஒடுக்கப்படுகிறார்கள் , சட்டங்கள் உண்டு . போலிஸ் நினைத்தால் யாரை வேண்டுமானாலும் உள்ளே வைக்கலாம் , பெண்கள் எல்லாம் கற்பழிக்க படுகிறார்கள் . அங்கு மக்கள் naxal ஆனதே அந்த அடக்குமுறை காரணமாய் தானே தவிர தனிமனித விருப்பு வெறுப்புகளால் அல்ல ,ஆனால் இப்பொழுது பசுமை வேட்டை நடந்து கொண்டிருக்கும் பொழுது , இப்படி ஒரு படம் எடுத்தால் அது எட்டப்பன் வேலை , அதாவது ஒரு போராளி என்பவன் தனிப்பட்ட கோபத்தால் நாயகியை கடத்துகிறான் , அதுவும் காதல் கொள்கிறான் .


ஒரு இனம் அடிக்கப்படும் பொழுது , தன் மக்கள் துன்பப்படும் பொழுது , பெண்கள் கற்பழிக்க படும் பொழுது , எப்படி அந்த மேட்டுக்குடி பெண்ணை காதலிக்க முடியும் . அதை விட தையிரியாமான பெண்கள் போராடும் மக்களிடம் அல்லவா இருப்பார்கள் . எதோ ஒரு SOFTWARE ENGINEER காதல் செய்வதை போல "உசுரே போகுதே உசுரே போகுதே உதட்ட நீ கொஞ்சம் சுழிக்கையிலே " என்று காதல் செய்வானா ஒரு போராளி , மசுரைப்போல்
இருந்தது அந்த காட்சி . எதனால் அவன் இப்படி ஆனான் என்ற சமூக விளக்கத்தை தந்திரமாய் தவிர்த்து அவன் காதல் தாபம் போன்றவைகளை பிரதானப்படுத்தி போராளிகளை அசிங்கப்படுத்துகிறார் இந்த CORPERATE அறிவாளி . அதுவும் அந்த அந்த காலத்திற்கு ஏற்ப படம் செய்கிறார் , அவர் எந்த காலத்தில் அந்த படத்தை எடுத்தார் என்பது கட்டாயம் விவாததிற்கு உட்பட்டது. அவருடைய கொள்கைகளை அவர் காட்சி அமைப்பை வைத்தே விமர்சனம் செய்யலாம். இதற்கும் பின்லேடனுக்கும் சம்பந்தம் இல்லை , ஆனால் மணி சார் படத்திற்கு கட்டாயம் தாக்ரே , வேதந்தா , சிதம்பரம் , அம்பானி போன்றவர்களின் ஆசி உள்ளது . "குரு" எடுத்தார் என்று தானே அவைக்கு அடுத்த வாய்ப்பு கிடைத்து உள்ளது , உண்மை தானே ???